پلوامہ حملہ اداکار شان کی سوشل میڈیا پر پاکستانی موقف کی بھرپور ترجمانی

اداکار شان نے بھی سوشل میڈیا پر پاکستانی موقف کی بھرپور ترجمانی کی ہے۔ فوٹوفائل

---

لاہور: پاکستان کے معروف اداکار شان نے سوشل میڈیا پر بھارت کی جانب سے پلوامہ خودکش حملے کا الزام پاکستان پر لگانے پر پاکستانی موقف کی بھرپورانداز میں ترجمانی کی ہے۔

دوروز قبل کشمیر میں پلوامہ حملے میں 40 سے زائد بھارت فوجی ہلاک ہوگئے تھے، بھارت نے اس حملے کا الزام پاکستان پر لگایا ہے اور بھارتی سیاستدان اور بھارتی میڈیا مسلسل پاکستان کے خلاف زہر اگلنے میں مصروف ہے۔ تاہم پاکستان نے بھارتی الزام کو یکسر مسترد کردیا ہے۔ اداکار شان نے بھی سوشل میڈیا پر پاکستانی موقف کی بھرپور ترجمانی کی ہے۔

اس خبرکوبھی پڑھیں: مقبوضہ کشمیرخودکش حملہ، پاکستان نے بھارتی الزام مسترد کردیا

شان نے ٹوئٹ کرتے ہوئے کہا ہے ''ظلم رہے اورامن بھی ہو کیا ممکن ہے تم ہی کہو'' اداکار شان نے اس جملے کے ذریعے بھارتیوں کو یہ باور کرانے کی کوشش کی ہے کہ پلوامہ حملہ مقبوضہ کشمیر میں جاری بھارتی فوج کی جارحیت اور مظالم کا ردعمل ہے، اس میں پاکستان کا کوئی ہاتھ نہیں۔

اس خبرکوبھی پڑھیں: جاوید اختر اور شبانہ اعظمی کا دورہ پاکستان منسوخ

Zulm rahay or Aman bhi hoo kya mumkin hay tum he kahoo

— Shaan Shahid (@mshaanshahid) February 15, 2019

اس کے علاوہ شان نے جاوید اختر کے دورہ کراچی کو منسوخ کرنے کے حوالے سے بھی ٹوئٹر پر ہی جواب دیتے ہوئے کہا ''دراصل یہی وقت ہے آنے کا، اپنی دوستی دکھانے کا اور یہ دکھانے کا کہ آپ کو ہم پر کتنابھروسہ ہے۔ یہ حقیقت ہے کہ پاکستان اس میں کچھ نہیں کرسکتا، ہم ان تمام افراد کے لیے غمزدہ ہیں جنہوں نے 1947 سے 2019 تک اپنی جانیں گنوائیں اور ان انسانی جانوں کے نقصان کی شدید الفاظ میں مذمت کرتے ہیں''۔

Actually now is the time to come,and show the friendship and trust you have on us ..it is a fact that Pakistan has nothing to do with it , remember hate wins elections ..we condole the deaths of all the humans who died in this tragedy .. from 1947 till 2019

— Shaan Shahid (@mshaanshahid) February 15, 2019