کراچی کے مختلف علاقوں میں ہلکی بارش

کراچی میں 20 اور 21 فروری کو گرج چمک کے ساتھ بارش متوقع ہے، محکمہ موسمیات

ویب ڈیسک February 18, 2019

کراچی میں 20 اور 21 فروری کو گرج چمک کے ساتھ بارش متوقع ہے، محکمہ موسمیات۔ فوٹو : فائل

کراچی کے مختلف علاقوں میں رات گئے اور صبح سویرے بوندا باندی اور ہلکی بارش سے موسم خوشگوار ہوگیا۔

شہر قائد کے مختلف علاقوں میں رات گئے اور صبح سویرے بوندا باندی اور ہلکی بارش سے موسم خوشگوار ہوگیا، محکمہ موسمیات کے مطابق کراچی میں آئندہ 24 گھنٹے کے دوران مزید بوندا باندی کا امکان ہے جب کہ دن بھر مطلع جزوی ابر آلود رہے گا۔ کراچی میں آج کم سے کم درجہ حرارت بیس اعشاریہ پانچ ڈگری سینٹی گریڈ ریکارڈ کیا گیا۔

گزشتہ روز کے مقابلے میں آج درجہ حرارت میں 6 ڈگری سینٹی گریڈ اضافہ ریکارڈ ہوا، آج زیادہ سے زیادہ درجہ حرارت 27 ڈگری سینٹی گریڈ رہنے کا امکان ہے، کراچی میں 20 اور 21 فروری کو گرج چمک کے ساتھ بارش متوقع ہے۔