کرسٹین اسٹیورٹ نے مائیکل پٹ کا سہاراڈھونڈلیا
رابرٹ پیٹن سن سے علیحدگی کے بعدتنہا رہنے کا عہد کیا تھا
July 30, 2013
اداکاررابرٹ پیٹن سن کے ساتھ چار سالہ رفاقت ختم ہونے کے بعد اداکارہ کرسٹین اسٹیورٹ نے اداکار مائیکل پٹ کے ساتھ عشق شروع کردیا ہے اور آج کل دونوں ایک ساتھ ڈیٹنگ کرتے نظر آرہے ہیں۔
رابرٹ پیٹی سن سے علیحدگی کے بعد ''ٹوئی لائٹ ساگا''اسٹار23 سالہ کرسٹین نے خود کو کام میں مگن کرنے اور تنہا رہنے کا عہد کیا تھا لیکن گذشتہ ہفتے پیرس فیشن ویک میںمائیکل پٹ سے ملاقات کے بعد وہ اپنا عہد بھول گئیں۔
ذرائع کا کہنا ہے کہ دونوں کی بہت سی عادتیں بھی ایک جیسی ہیںاور یہی وجہ ہے کہ ان کی محبت دن بہ دن پروان چڑ ھ رہی ہے لیکن اس محبت کے اختتام کے بارے میں کچھ کہنا قبل از قیاس ہے جب کہ مائیکل بھی بڑی دل جمعی کے ساتھ کرسٹین کے ماضی کے غم بھلاتے نظر آرہے ہیں ۔
واضح رہے کہ اسٹیورٹ کی رابرٹ پیٹن سن کے ساتھ چار سالہ رفاقت میں اس وقت ڈراڑ پڑ گئی تھی جب گذشتہ سال جولائی میں ان کا ڈائریکٹر روپرٹ سینڈر کے ساتھ افئیر پکڑا گیا تھا۔