ملک کے مختلف شہروں میں موسلادھار بارش

اکثر مقامات پرآج بھی موسلادھار بارش جبکہ پہاڑوں پر برف باری کا امکان۔ فوٹو : آن لائن

---

محکمہ موسمیات نے آج ملک کے بیشتر علاقوں میں بارش کی پیش گوئی کر دی جب کہ پہاڑوں پر برفباری کا بھی امکان ہے۔

محکمہ موسمیات کے مطابق کراچی، اسلام آباد، راولپنڈی، لاہور، گوجرانوالہ، سرگودھا سمیت دیگر علاقوں میں بادل برسیں گے جب کہ راولپنڈی میں موسلادھار بارش سے سردی کی شدت میں اضافہ ہوگیا۔ حب اور اطراف کے علاقوں میں بھی موسلا دھار بارش نے جل تھل ایک کردیا۔

گزشتہ روز موسلادھار بارش نے ہر طرف جھل تھل کردیا تھا، آسمانی بجلی گرنے سے اڈیالہ روڈ کا رہائشی جاں بحق ہوگیا، آسمانی بجلی گرنے سے کھیتوں میں کام کرنے والا 37 سالہ راجا قمر جاں بحق ہوگیا، سب سے زیادہ بارش موہنجوداڑو 50 ریکارڈ کی گئی۔

دوسری جانب ملتان کے علاقہ بدھلہ سنت میں بارش کے باعث چھت گر گئی جس کے نتیجے میں 3 بچوں سمیت 4 افراد جاں بحق جب کہ 14سالہ لڑکی زخمی ہو گئی۔