کراچی مغوی تاجر فیاض بازیاب 4 اغوا کار گرفتار اسلحہ برآمد

ملزمان نے فیاض کے اہل خانہ سے تاوان کی ادائیگی نہ کرنے پر پر جان سے مارنے کی دھمکی دی تھی۔

---

سی پی ایل سی اور اینٹی وائلنٹ کرائم سیل پولیس نے مشترکہ کارروائی کرتے ہوئے مغوی تاجر فیاض کو بازیاب اور 4 اغوا کار گرفتار کرکے اسلحہ برآمد کرلیا۔

ایکسپریس نیوز کے مطابق سی پی ایل سی اور اینٹی وائلنٹ کرائم سیل پولیس نے مشترکہ کارروائی کرتے ہوئے حب چوکی اور بلدیہ ٹاون میں چھاپے مار کر مغوی تاجر فیاض کو بازیاب کرالیا، پولیس نے فیاض کے اغوا میں ملوث گروپ کے 4 اغوا کاروں کو گرفتار کرکے اسلحہ برآمد کرلیا ، ملزمان نے فیاض کو اغوا کرکے اہل خانہ سے 50 لاکھ روپے تاوان مانگا تھا اور تاوان کی ادائیگی نہ کرنے پر پر جان سے مارنے کی دھمکی دی تھی۔