پاکستان کو ورلڈ کپ سے باہر کرانے کی کوشش بھارت نے لیٹر تیارکرلیا

لیٹر میٹنگ میں بات چیت کے بعد متعلقہ وزارتوں کو پیش کر دیا جائے گا۔

Sports Reporter February 22, 2019

لیٹر میٹنگ میں بات چیت کے بعد متعلقہ وزارتوں کو پیش کر دیا جائے گا۔ فوٹو: فائل

بھارتی کرکٹ بورڈ نے پاکستان کی ورلڈ کپ میں شرکت روکنے کیلیے لیٹر تیارکرلیا۔

ایک ویب سائٹ کے مطابق بی سی سی آئی کی کمیٹی آف ایڈمنسٹریٹرز کے چیئرمین ونود رائے کے ایما پر چیف ایگزیکٹیو راہول جوہری کی طرف سے تیار کیے جانے والے اس لیٹر کے مسودے میں آئی سی سی کے چیف ڈیوڈ رچرڈسن اور ورلڈ کپ کی ٹونامنٹ کمیٹی کے ڈائریکٹر اسٹیو الورتھی کو مخاطب کیا گیا ہے.

بی سی سی آئی کا جمعہ کو اجلاس آئی پی ایل اور معمول کے دیگر معاملات پر غور کرنے کیلیے بلایا گیا تھا، تاہم آئی سی سی کو بھجوانے سے پہلے لیٹر پر غور کرنے کی ضرورت محسوس کرتے ہوئے اس کو بھی ایجنڈے میں شامل کر لیا گیا۔

یاد رہے کہ آئی سی سی کے آئین میں ایسی کوئی شق موجود ہی نہیں کہ جس کی بنیاد پر اس طرح کا انتہائی اقدام اٹھانے کا فیصلہ کیا جا سکے۔