مودی حکومت کی جنونیت سے بھارت میں موجود پاکستانی غیرمحفوظ ہیں ترجمان دفترخارجہ  

بھارتی حکومت اور میڈیا کے رویے سے کشمیریوں کی زندگی کو بھی خطرات لاحق ہیں، ڈاکٹر محمد فیصل

---

ترجمان دفترخارجہ ڈاکٹر محمد فیصل کا کہنا ہے کہ مودی حکومت اور بھارتی میڈیا کی جنونیت سے کشمیریوں اور بھارت میں موجود پاکستانیوں کی زندگی کو خطرہ ہے۔

سماجی رابطے کی ویب سائٹ پر ٹوئٹ کرتے ہوئے دفترخارجہ کے ترجمان ڈاکٹر محمد فیصل نے بھارتی جیل میں پاکستانی شہری کے قتل پر ردعمل دیتے ہوئے کہا کہ بھارتی حکومت اور میڈیا کے حالیہ رویے سے بھارت میں موجود پاکستان غیر محفوظ ہیں اور ان کی زندگی کو خطرہ ہے جب کہ مودی حکومت اور بھارتی میڈیا کی جنونیت سے مقبوضہ کشمیر میں بسنے والے کشمیریوں کی زندگی کو بھی خطرات لاحق ہیں۔

Killing of a #Pakistani prisoner in indian jail in the midst of frenzy created by Indian Govt & media is a threat to the life & security of #Pakistanis in #India as well as to #Kashmiris in IOK & all over India

— Ministry of Foreign Affairs - Pakistan (@ForeignOfficePk) February 22, 2019

واضح رہے کہ انتہاپسند ہندووں نے بھارتی جیل میں قید پاکستانی شہری کو پتھر مار کر قتل کردیا تھا۔

اس خبر کو بھی پڑھیں؛ بھارتی جیل میں ہندو انتہا پسندوں کے ہاتھوں پاکستانی قیدی قتل