عمران خان کی ممتاز بھٹو کو پی ٹی آئی میں شمولیت کی دعوت

عمران نے تحریک انصاف سندھ کے صدر نادر لغاری کی سربراہی میں وفد کو کراچی میں ممتاز بھٹو کی رہائش گاہ پر بھیجا، ذرائع ۔ فوٹو: اے پی پی/ فائل

---

تحریک انصاف کے سربراہ عمران خان نے مسلم لیگ(ن) کے سینئر رہنما سردار ممتاز علی بھٹو سے رابطہ کر کے انھیں تحریک انصاف میں شامل ہونے کی دعوت دی ہے۔

ذرائع کے مطابق عمران نے تحریک انصاف سندھ کے صدر نادر لغاری کی سربراہی میں وفد کو کراچی میں ممتاز بھٹو کی رہائش گاہ پر بھیجا، اس دوران عمران نے ممتاز بھٹو کو ٹیلیفون پر تحریک انصاف میں شامل ہونے کی دعوت دی اور انکی رہائش گاہ آنے کی خواہش کا اظہار کیا۔ ممتاز بھٹو نے کہا کہ آپ میرے گھر کسی بھی وقت آ سکتے ہیں، انکا کہنا تھا کہ میرا اپنی پارٹی کیساتھ کچھ معاملات پر اختلاف ضرور ہے تاہم ابھی پارٹی چھوڑنے کا فیصلہ نہیں کیا۔