کوئٹہ گلیڈی ایٹرز نے سنسنی خیز مقابلے کے بعد لاہور قلندرز کو شکست دیدی

کوئٹہ گلیڈی ایٹرز کی جانب سے غلام مدثر نے 3 اور سہیل تنویر نے 2 وکٹیں حاصل کیں۔

ویب ڈیسک February 23, 2019

کوئٹہ گلیڈی ایٹرز کے کپتان سرفراز احمد 52 رنز پر ناقابل شکست رہے۔

پی ایس ایل کے بارہویں میچ میں کوئٹہ گلیڈی ایٹرز نے سنسنی خیز مقابلے کے بعد لاہور قلندرز کو شکست دے دی۔

شارجہ میں کھیلے گئے پاکستان سپر لیگ کے چوتھے ایڈیشن کے بارہویں میچ میں لاہور قلندرز مقررہ اوورز میں صرف 143 رنز ہی بناسکی جس کے جواب میں کوئٹہ گلیڈی ایٹرز کے شین واٹسن اور احسان علی نے اننگز کا آغاز کیا لیکن واٹسن پہلے ہی اوور میں کھاتہ کھولے بغیر راحت علی کا شکار بن گئے۔

OUT! @Shah64Y bowls @Rileerr (17) and Lahore Qalandars are back in the match. Quetta Gladiators are 26/2 in the 5th over

Scorecard and ball-by-ball details 👉 https://t.co/3vf612zyBu #QGvLQ #PSL2019 #KhelDeewanoKa #CricketForAll pic.twitter.com/N0cVW2sxjt
— Cricingif (@_cricingif) February 23, 2019

ریلی روسوو کی ہمت بھی 17 رنز پر جواب دے گئی اور عمر اکمل بھی 9 رنز بناکر پویلین واپس لوٹ گئے جب کہ ڈیرن اسمتھ صرف 2 رنز کے مہمان ثابت ہوئے تاہم اوپننگ بلے باز احسن علی وکٹ پر ڈٹے رہے اور 40 رنز کی اننگز کھیل کر آؤٹ ہوئے۔

SIX! Down on one knee and the ball comes from the middle of his bat. @IamSandeep25 is on the receiving end of this one

Scorecard and ball-by-ball details 👉 https://t.co/3vf612zyBu #QGvLQ #PSL2019 #KhelDeewanoKa #CricketForAll pic.twitter.com/413WgivA5h
— Cricingif (@_cricingif) February 23, 2019

بعد ازاں کپتان سرفراز احمد اور محمد نواز نے ذمہ دارنہ بیٹنگ کا مظاہرہ کیا اور بڑی شارٹس مارنے کے بجائے سنگل ڈبل کے ذریعے رن ریٹ کو برقرار رکھا اور اس دوران نے قسمت نے بھی دونوں کو بھرپور ساتھ دیا، لاہور قلندرز نے 3،4 رن آؤٹ ضائع کرکے میچ کوئٹہ کے لیے آسان کردیا، محمد نواز 19 رنز بناکر آؤٹ ہوئے۔

Spirit of Cricket 🤝@FakharZamanLive the new owner of #HanifMohammadCap 🧢@SarfarazA_54 the Man of the Match.#HBLPSL #KhelDeewanoKa #QGvLQ pic.twitter.com/EoINMgf2Gg
— PakistanSuperLeague (@thePSLt20) February 23, 2019

کوئٹہ گلیڈی ایٹرز کو آخری اوور میں جیت کے لیے 7 رنز درکار تھے، ڈیوڈ ویزے نے پہلی ہی گیند پر انور علی کو بولڈ کردیا، آخری گیند پر جیت کے لیے 2 رنز درکار تھے، سرفراز احمد نے چھکا رسید کرکے لاہور قلندرز کی امیدوں پر پانی پھیر دیا۔ کوئٹہ گلیڈی ایٹرز کے کپتان سرفراز احمد 52 رنز پر ناقابل شکست رہے۔ لاہور قلندرز کی جانب سے حارث رؤف نے 2 جب کہ سندیب لیمی چین، یاسر شاہ، ڈیوڈ ویزے اور راحت علی نے ایک ایک وکٹ حاصل کی۔

Two incredible nights! Two incredible stories! The beauty of #HBLPSL #KhelDeewanoKa #DavidWiese pic.twitter.com/S5m1eWuNgn
— PakistanSuperLeague (@thePSLt20) February 23, 2019

اس سے قبل کوئٹہ گلیڈی ایٹرز کے کپتان سرفراز احمد نے ٹاس جیت کر فیلڈنگ کو ترجیح دیتے ہوئے لاہور قلندرز کو بیٹنگ کی دعوت دی، فخرزمان اور سہیل اختر نے اننگز کا آغاز کیا تو فخرزمان صرف 3 رنز بناکر محمد نواز کا شکار بن گئے، سلمان بٹ اپنے دوسرے میچ میں بھی ناکام ثابت ہوئے اور صرف 5 رنزبناکر پویلین واپس لوٹے۔

SIX! @David_Wiese hits it clean and @bachaji23 is frustrated. Nice and low from the batsman and Lahore Qalandars are 109/4 in the 15th over

Scorecard and ball-by-ball details 👉 https://t.co/3vf612zyBu #QGvLQ #PSL2019 #KhelDeewanoKa #CricketForAll pic.twitter.com/Q1ZyIfmYCr
— Cricingif (@_cricingif) February 23, 2019

سہیل اختر 39 رنز کی جارحانہ اننگز کھیل کرآؤٹ ہوئے جس میں 3 چھکے اور ایک چوکا شامل تھا جب کہ پی ایس ایل میں اپنا پہلا میچ کھیلنے والے کورے اینڈرسن کی اننگز بھی 19 رنز تک محدود رہی اور گزشتہ میچ کے ہیرو ڈیوڈ ویزے اس بار 20 رنز پر ہمت ہار بیٹھے۔ اے بی ڈی ویلیئرز 45 رنز پر ناٹ آؤٹ رہے۔

THE OYE HOYE MOMENT!

Ghulam Mudassar strikes once again and Gauhar Ali (5) is trapped in front. Lahore Qalandars are 129/6 now

Scorecard and ball-by-ball details 👉 https://t.co/3vf612zyBu #QGvLQ #PSL2019 #KhelDeewanoKa #CricketForAll #OyeHoye pic.twitter.com/TlLPL2cfvY
— Cricingif (@_cricingif) February 23, 2019

کوئٹہ گلیڈی ایٹرز کی جانب سے غلام مدثر نے 3، سہیل تنویر نے 2 جب کہ محمد نواز اور انور علی نے ایک ایک وکٹ حاصل کی۔

واضح رہے لاہور قلندرز نے بھی گزشتہ روز ملتان سلطانز کے خلاف آخری گیند پر چھکا لگا کر فتح حاصل کی تھی۔