شمالی کوریا جوہری پروگرام ترک کردے تو عظیم معاشی طاقت بن سکتا ہے ٹرمپ

صدر ٹرمپ اور شمالی کوریا کے سربراہ کم جونگ اُن کے درمیان دوسری ملاقات رواں ہفتے بدھ اور جمعرات کو ویت نام میں ہوگی (فوٹو : فائل)

---

ISLAMABAD: امریکی صدر ڈونلڈ ٹرمپ نے کہا ہے کہ شمالی کوریا جوہری ہتھیاروں کی تیاری ترک کردے تو وہ دنیا کی عظیم معاشی طاقت بن سکتا ہے۔

صدر ٹرمپ نے ٹویٹر پر لکھا ہے کہ شمالی کوریا کے ترقی کرنے کے امکانات دیگر ممالک سے زیادہ ہیں لیکن عظیم معاشی طاقت بننے کے لیے شمالی کوریا کو جوہری ہتھیاروں کی تیاری ترک کرنا ہوگی اور چیئرمین کم جونگ ان نے یہ حقیقت تسلیم کی ہے۔

Chairman Kim realizes, perhaps better than anyone else, that without nuclear weapons, his country could fast become one of the great economic powers anywhere in the World. Because of its location and people (and him), it has more potential for rapid growth than any other nation!

— Donald J. Trump (@realDonaldTrump) February 24, 2019

ڈونلڈ ٹرمپ نے مزید کہا کہ شمالی کوریا کے محل وقوع، افرادی قوت اور اس کے سربراہ کم جونگ اُن میں اتنی صلاحیت ہے کہ شمال کوریا دنیا کے دیگر ممالک کے مقابلے میں زیادہ تیزی سے ترقی کرسکتا ہے اور مختصر وقت میں ایک عظیم معاشی قوت بن سکتا ہے۔

امریکی صدر نے رواں ہفتے بدھ اور جمعرات کو ویت نام میں شمالی کوریا کے چیئرمین کم جونگ اُن سے ہونے والے مذاکرات کی کامیابی کے لیے امید کا اظہار کیا ہے۔ یہ ملاقات سنگاپور میں ہونے والی پچھلی ملاقات کا تسلسل ہوگی جس میں مزید پیش رفت کی توقع ہے۔