پی ایس ایل اسلام آباد یونائیٹڈ نے چیڈوک والٹن کو اسکواڈ میں شامل کرلیا

گزشتہ سال بھی انہوں نے اسلام آباد یونائیٹڈ کی نمائندگی کی تھی۔ فوٹو : فائل

---

اسلام آباد یونائیٹڈ نے انجرڈ ای این بیل کی جگہ ویسٹ انڈین بیٹسمین چیڈوک والٹن کو اسکواڈ میں شامل کرلیا ہے۔

اسلام آباد یونائیٹڈ نے انجرڈ برطانوی کھلاڑی ای این بیل کی جگہ ویسٹ انڈین بیٹسمین چیڈوک والٹن کو اسکواڈ میں شامل کرلیا ہے، اسلام آباد یونائیٹڈ نے چھٹے غیر ملکی کھلاڑی کے طور پر ویسٹ انڈین بیٹسمین چیڈ وک والٹن کو منتخب کر لیا ہے، گزشتہ سال بھی انہوں نے اسلام آباد یونائیٹڈ کی نمائندگی کی تھی، والٹن فوری طور پر اسکواڈ کو جوائن کرنے کے بعد باقی تمام پی ایس ایل میچز کے لیے دستیاب ہوں گے۔

واضح رہے کہ ظاہر خان کے قومی ٹیم کے لیے منتخب ہونے کے بعد اسلام آباد یونائیٹڈ کی ٹیم ان کی خدمات سے محروم ہوگئی تھی، بعد ازاں انگلش بیٹسمین ای این بیل کو شامل کیا گیا تھا تاہم وہ بھی انجری کا شکار ہوگئے تھے۔