پاکستان اور بیلجیم میں تجارتی تعاون و سرمایہ کاری کے ایم اویوز پر دستخط

یہ پہلا موقع ہے کہ بیلجیم کی بڑی کاروباری کمپنیوں نے مشترکہ طور پر ایم او یو سائن کیا ہے۔ فوٹو: سوشل میڈیا

---

پاکستان اور بیلجیم نے باہمی تجارتی تعاون اور سرمایہ کاری کے حوالے سے مفاہمتی یادداشت پر دستخط کیے ہیں۔

ٹریڈ ڈیولپمنٹ اتھارٹی آف پاکستان (ٹڈاپ) نے برسلز کی 3 نمایاں تجارتی کمپنیوں فلینڈرز انویسٹمنٹ اینڈ ٹریڈ، ولونیا ایکسپورٹ انویسٹمنٹ ایجنسی اور برسلز ایجنسی فار بزنس سپورٹ کے ساتھ تعاون کی یادداشت پر دستخط کیے ہیں۔

واضح رہے کہ یہ پہلا موقع ہے کہ بیلجیم کی بڑی کاروباری کمپنیوں نے مشترکہ طور پر ایم او یو سائن کیا ہے۔ دستخط کی تقریب میں ٹڈاپ کی نمائندگی برسلز میں پاکستانی سفیرنغمانہ عالمگیر ہاشمی نے کی۔