
خود کوامن کا سفیر کہنے اور دنیا بھر میں امن کا پیغام پھیلانے والی بالی ووڈ اداکارہ پریانکا چوپڑا نے بھارت کی جانب سے پاکستانی حدود میں جھوٹے سرجیکل اسٹرائیک کے دعوے کو نا صرف سراہا بلکہ بڑھ چڑھ کرجنگ کی حمایت بھی کی، یہ سوچے بغیر کہ جنگ دونوں ملکوں کے لیے کتنی خطرناک ہے اور اس کے نتائج دونوں جانب کی غریب عوام کو بھگتنے پڑیں گے۔
اس خبرکوبھی پڑھیں: پاکستانی فنکار بھی پاک فوج کے شانہ بشانہ
پاکستانی اداکارہ ارمینا خان نے جنگ کی حمایت کرنے اوربھارتی حکومت کی دراندازی کو سراہنے پر پریانکا چوپڑا کو آڑے ہاتھوں لیتے ہوئے کہا کہ کیا آپ اقوام متحدہ کے ادارے یونیسیف کی خیرسگالی کی سفیر نہیں ہیں جو دنیا میں امن پھیلانے کی باتیں کرتی ہیں؟ آپ جنگ کی حمایت کررہی ہیں؟
اس کے ساتھ ہی انہوں نے طنزیہ اندازمیں لوگوں کو مخاطب کرتے ہوئے لکھا پریانکا کے اس ٹوئٹ کو اسکرین شاٹ لے کر محفوظ کرلو کیونکہ اگلی بار جب بھی پریانکا چوپڑا خیرسگالی یا امن کی باتیں کرے تو اسے یہ دکھا کر ان کی منافقت یاد کرائی جائے۔
WHAT?!!! But aren’t you supposed to be a Good Will ambassador for @UNICEF? Screen shot this everyone and next time she speaks up for peace and goodwill. Let’s remind her of this hypocrisy. https://t.co/Jew88bMtYv
— Armeena ✨ (@ArmeenaRK) February 26, 2019
اس خبرکوبھی پڑھیں: شان کا پاکستان میں بھارتی فلموں کی نمائش پرپابندی کا خیرمقدم
واضح رہے کہ فنکاروں کو دنیا بھر میں امن وآشتی کا سفیر کہا جاتا ہے لیکن بالی ووڈ فنکاروں نے تو بھارت کی جانب سے پاکستانی حدود میں دراندازی کے بعد امن کی دھجیاں بکھیر رکھ دی ہیں اور دنیا میں امن کا پیغام پھیلانے کے بجائے کھل کر جنگ کی حمایت کررہے ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔