سرفراز احمد آسٹریلیا کے خلاف سیریز میں آرام دیے جانے کا سوال گول کر گئے

سوالوں کو پی ایس ایل تک ہی رکھا جائے تو بہتر ہے، سرفراز احمد۔ فوٹو: فائل

---

پاکستان کرکٹ ٹیم کے کپتان سرفراز احمد آسٹریلیا کے خلاف سیریز میں آرام دیے جانے کا سوال گول کر گئے۔

لا ہور قلندر کے خلاف میچ میں شکست کھانے والی کوئٹہ گلیڈیئٹرز کی قیادت کرنے والے سرفراز احمد سے پریس کانفرنس کے دوران جب آسٹریلیا کے خلاف سیریز میں آرام دیے جانے کے حوالے سے سوال پوچھا گیا تو انہوں نے کہا کہ سوالوں کو پی ایس ایل تک ہی رکھا جائے تو بہتر ہے۔

میڈیا رپورٹس کے مطابق چیف سلیکٹر انضمام الحق نے آسٹریلیا کے خلاف سیریز میں سرفراز احمد کو آرام دیتے ہوئے شعیب ملک کو کپتانی سونپنے کا اشارہ دیا ہے۔