پشاور زلمی نے اسلام آباد یونائیٹڈ کو شکست دیدی

پشاور زلمی کی جانب سے حسن علی، ابتشام شیخ اور وہاب ریاض نے 2،2 وکٹیں حاصل کیں۔ فوٹو: پی ایس ایل

---

پی ایس ایل کے 21ویں میچ میں پشاور زلمی نے اسلام آباد یونائیٹڈ کو 4 وکٹ سے شکست دے دی۔

پاکستان سپر لیگ کے چوتھے ایڈیشن کے 21ویں میچ میں اسلام آباد یونائیٹڈ نے پہلے بیٹنگ کرتے ہوئے مقررہ اوورز میں 176 رنز بنائے جس کے جواب میں پشاور زلمی کی جانب سے کامران اکمل اور آندرے فلیچر نے اننگز کا آغاز کیا ، کامران 19 رنز کی اننگز کھیل کر ظفر گوہر کا شکار بنے جب کہ فلیچر کو 21 رنز پر شاداب خان کے ہاتھوں پویلین واپس لوٹنا پڑا۔

HBL PSL 2016: 151 runs
HBL PSL 2017: 353 runs (Most in the season)
HBL PSL 2018: 425 runs (Second most in the season)
The only batsman with two 100s in the league.
The most prolific #HBLPSL batsman! @KamiAkmal23 👏👏👏 https://t.co/M0BuiWCRPL

— PakistanSuperLeague (@thePSLt20) March 1, 2019

امام الحق بھی 15 رنز بنانے کے بعد شاداب کا شکار بنے، عمر امین کی اننگز صرف 6 رنز تک محدود رہی اور پچھلے میچ کے ہیرو کیرن پولارڈ بھی صرف ایک رنز کے مہمان ثابت ہوئے۔

زلمی کے کپتان ڈیرین سیمی اور لیام ڈاسن کے درمیان شاندار شراکت داری قائم ہوئی جس کی بدولت پشاور میچ جیتنے میں کامیاب رہا۔ ڈیرن سیمی 40 رنزبناکر آؤٹ ہوئے اور لیام ڈاسن 52 رنز پر ناٹ آؤٹ رہے۔ اسلام آباد یونائیٹڈ کی جانب سے ظفر گوہر اور شاداب خان نے 2،2 وکٹیں حاصل کیں۔

اس سے قبل پشاور زلمی کے کپتان ڈیرین سیمی نے ٹاس جیت کر پہلے اسلام آباد یونائیٹڈ کو بیٹنگ کی دعوت دی تو لیوک رونکی اور کیمرون ڈیلپورٹ نے اننگز کا آغاز کیا، رونکی دوسرے ہی اوور میں 9 رنز بنانے کے بعد ابتشام شیخ کا شکار بن گئے۔

.@Cam12Delport hits it straight past Ibtisam for a maximum

Islamabad are 84-2 at the halfway mark

Scorecard and ball-by-ball details: https://t.co/73DHFmTtHH #PZvIU #PSL2019 #KhelDeewanoKa #CricketForAll pic.twitter.com/0xXl58hkJF

— Cricingif (@_cricingif) March 1, 2019

فلپ سالٹ اور ڈیلپورٹ نے 46 رنز کی شراکت قائم کی، آندرے فلیچر نے ابتشام شیخ کی ہی گیند پر سالٹ کا بہترین کیچ لے کر ان کی اننگز کا خاتمہ کیا وہ 28 رنز بنانے میں کامیاب رہے لیکن ڈیلپورٹ نے شاندار اننگز کھیلتے ہوئے 55 گیندوں پر 71 رنز کی اننگز کھیلی جس میں ایک چھکا اور 8 چوکے شامل تھے۔

OUT! @RealHa55an removes @Cam12Delport who departs after scoring 71 runs. Islamabad United are 147/4 now

Watch ball-by-ball highlights: https://t.co/PB12o3uSX7 #PZvIU #PSL2019 #KhelDeewanoKa #CricketForAll pic.twitter.com/DBdqm9jO8e

— Cricingif (@_cricingif) March 1, 2019

چیڈوک والٹن نے 22 اور آصف علی نے 23 رنز کی جارحانہ اننگز کھیلی، فہیم اشرف صرف 9 رنز کے مہمان ثابت ہوئے۔ پشاور زلمی کی جانب سے حسن علی اور ابشام شیخ نے 2،2 جب کہ عمید آصف اور وہاب ریاض نے ایک ایک وکٹ حاصل کی۔

One for the history books!

Birthday boy @daws128 hits four off the final ball and wins a thriller for @PeshawarZalmi.#HBLPSL #KhelDeewanoKa #PZvIU pic.twitter.com/PVbGNFJQ8Y

— PakistanSuperLeague (@thePSLt20) March 1, 2019