پاکستان اپنے دفاع میں کسی بھی جارحیت کا بھرپور جواب دے گا آرمی چیف

آرمی چیف کا امریکا اور برطانیہ کے عسکری حکام سے ٹیلی فونک رابطہ، پاک بھارت کشیدگی پر تبادلہ خیال۔ فوٹو : فائل

---

آرمی چیف جنرل قمر جاوید باجوہ کا کہنا ہے کہ پاکستان اپنے دفاع میں کسی بھی جارحیت کا بھرپور جواب دے گا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے برطانوی، آسٹریلوی، چینی اور یو ایس سینٹ کام کمانڈر سمیت امریکا، برطانیہ اور چین کے پاکستان میں سفرا سے ٹیلیفونک گفتگو کی جس میں پاکستان اور بھارت کے درمیان کشیدگی کے باعث خطے پر پڑنے والے اثرات پر تبادلہ خیال کیا گیا۔

COAS had tel comm with Comd USCENTCOM, CDS UK, CDF Australia and Ambs of US, UK & China in Pak. Prevailing stand off between Pakistan & India & its impact on peace & stability in the region & beyond discussed. “Pak shall surely respond to any aggression in self defence”, COAS.

— DG ISPR (@OfficialDGISPR) March 1, 2019

ترجمان پاک فوج کے مطابق آرمی چیف جنرل قمر جاوید باجوہ اور مختلف ممالک کے فوجی سربراہوں کے درمیان ٹیلیفونک گفتگو میں پاک بھارت کشیدگی کے باعث سرحدی تناؤ اور خطے کے امن و استحکام پر بات چیت کی گئی جب کہ اس موقع پر آرمی چیف کا کہنا تھا کہ پاکستان اپنے دفاع میں کسی بھی جارحیت کا بھرپور جواب دے گا۔