الیکشن میں فتح کے لیے پلوامہ حملہ کروایا بی جے پی رہنماؤں کی آڈیو ٹیپ لیک

آڈیو ٹیپ میں بی جے پی کے تین رہنما الیکشن جیتنے کے لیے پلوامہ حملہ کروانے کا اعتراف کر رہے ہیں

ویب ڈیسک March 02, 2019

بی جے پی رہنماؤں کی خفیہ گفتگو بھارتی نژاد امریکی شہری نے سوشل میڈیا پر وائرل کردی، فوٹو : فائل

وزیراعظم نریندرا مودی کی جماعت بھارتیہ جنتا پارٹی کے تین اہم رہنماؤں کی آڈیو ٹیپ لیک ہوگئی ہے جس میں الیکشن جیتنے کے لیے پلوامہ حملہ کروانے کا اعتراف کیا گیا ہے۔

ایکسپریس نیوز کے مطابق اوی ڈنڈیا نامی بھارتی نژاد امریکی شہری سابق بھارتی پائلٹ کے بیٹے ہیں، انہوں نے مودی کی جماعت بھارتیہ جنتا پارٹی کا مکروہ چہرہ نقاب کرتے ہوئے بتایا کہ الیکشن جیتنے کی ضد میں بی جے پی اپنے ہی فوجیوں کی خون کی ہولی کھیلنے لگی۔

بھارتی نژاد امریکی شہری نے اپنا دعویٰ درست ثابت کرنے کے لیے بی جے پی کے تین رہنماؤں کی مبینہ گفتگو انٹرنیٹ پر بھی جاری کر دی، جس میں ایک لیڈر کہتا ہے 'چناؤ کیلئے یدھ کرنا ضروری ہے، جس پر دوسرے نے جواب دیا کہ فورسز کیلئے "دیش" بہت جذباتی ہے اس لیے یہیں گڑبڑ کرانا ہو گی، اس پر خاتون رہنما پوچھتی ہیں کہ کیا آپ جوانوں کو مروانا چاہتے ہیں؟

یہ خبر بھی پڑھیں : پاکستان پر جارحیت کا مقصد لوک سبھا کا الیکشن جیتنا تھا، بی جے پی رہنما کا اعتراف

قبل ازیں بھارتی ریاست کرناٹکا میں بی جے پی کے صدر بی ایس یدی پورپا نے اپنے ایک بیان میں اعتراف کیا تھا کہ پلوامہ حملے سے جوانوں کے جذبات بھڑکے ہوئے ہیں اور یہ جذبات رواں برس ہونے والے الیکشن میں ہمارے ووٹ میں تبدیل ہوجائیں گے جس کے باعث بی جے پی کرناٹکا کی 28 میں سے 22 نشستیں لینے میں کامیاب ہوجائے گی۔

وزیرخارجہ شاہ محمودقریشی نے بھارتی جنتا پارٹی کے رہنماؤں کی ریکارڈ شدہ گفتگو کے ردعمل میں کہا آج نہیں تو کل اس حوالے سے حقائق پوری دنیا کے سامنے آجائیں گے، حق اور سچ پر زیادہ عرصے تک پردہ نہیں ڈالا جا سکتا۔

بھارتیہ جنتا پارٹی کے رہنماؤں کی سنسنی خیز آڈیو ٹیپ سوشل میڈیا پر وائرل ہوگئی۔

EXPLOSIVE! This should be share everywhere for the world to watch!

Audio Leaked by @avidandiya how BJP leader planned for #Pulwama and Uri attack for their own political gain! 1/2 pic.twitter.com/kTWogsOh74
— Arslan صدیقی (@ArslanSiddiqy) March 2, 2019