جو مسئلہ کشمیرحل کرائے اُسے امن کا نوبیل انعام دیا جائے وزیراعظم

نوبیل انعام کا حقدار وہ ہوگا جو مسئلہ کشمیر کو عوامی خواہشات کے مطابق حل کرے گا، وزیراعظم۔ فوٹو: فائل

---

وزیراعظم عمران خان کا کہنا ہے کہ امن کے نوبیل انعام کا حقدار نہیں تاہم جو مسئلہ کشمیر کو حل کرے گا وہ نوبیل انعام کا حقدار ہوگا۔

سماجی رابطے کی سائٹ ٹوئٹر پر وزیراعظم عمران خان کا کہنا تھا کہ امن کے نوبیل انعام کا حقدار نہیں، نوبیل انعام کا حقدار وہ ہوگا جو مسئلہ کشمیر کو عوامی خواہشات کے مطابق حل کرے گا اور خطے کے لیے امن و ترقی کی راہیں ہموار کرے گا۔

I am not worthy of the Nobel Peace prize. The person worthy of this would be the one who solves the Kashmir dispute according to the wishes of the Kashmiri people and paves the way for peace & human development in the subcontinent.

— Imran Khan (@ImranKhanPTI) March 4, 2019

وزیراعظم پاکستان عمران خان کے بھارتی پائلٹ کو واپس بھجوانے کے فیصلے نے لوگوں کو اتنا زیادہ متاثر کیا تھا کہ دنیا بھر سے لوگوں نے انہیں نوبیل انعام دینے کا مطالبہ کیا۔

عمران خان کی جانب سے بھارتی پائلٹ کو جذبہ خیرسگالی کے طور پر واپس بھجوانے کے اعلان کے بعد پاکستان میں ''عمران خان کیلئے امن کا نوبیل انعام'' کا ہیش ٹیگ ٹوئٹر پر ٹاپ ٹرینڈ کررہا تھا جب کہ دنیا بھرسے لوگ وزیراعظم کو نوبیل انعام دینے کے لیے آن لائن درخواست بھی کررہے ہیں۔