کیا سرجیکل اسٹرائیک درختوں کو اکھاڑنے کیلیے کی گئی تھی سدھو کی ٹوئٹ

کیا یہ اسٹرائیک صرف مودی حکومت کی انتخابی شعبدہ بازی تھی، وزیربھارتی پنجاب

---

نوجوت سنگھ سدھو نے بھارت کے ائیراسٹرائیک کے دعویٰ پر سوال کرتے ہوئے کہا، کیا سرجیکل اسٹرائیک دہشت گردوں کے بجائے درختوں کو اکھاڑنے کیلیے کی گئی تھی۔

سماجی رابطے کی ویب سائٹ پر ٹوئٹ کرتے ہوئے بھارتی پنجاب کے وزیر نوجوت سنگھ سدھو نے مودی حکومت کی جانب سے پاکستان میں ایئراسٹرائیک کے دعویٰ میں 300 دہشت گردوں سے متعلق سوال کرتے ہوئے لکھا 300 دہشت گرد مارے گئے یا نہیں۔

300 terrorist dead, Yes or No?

What was the purpose then? Were you uprooting terrorist or trees? Was it an election gimmick?

Deceit possesses our land in guise of fighting a foreign enemy.

Stop politicising the army, it is as sacred as the state.

ऊंची दुकान फीका पकवान| pic.twitter.com/HiPILADIuW

— Navjot Singh Sidhu (@sherryontopp) March 4, 2019

نوجوت سنگھ سدھو کا کہنا تھا کہ اگر دہشت گرد نہیں مارے گئے تو پھر ایئراسٹرائیک کا مقصد کیا تھا ، کیا دہشت گردوں کے بجائے درخت اکھاڑنے کے لیے ایئراسٹرائیک کی گئی، یا پھر یہ انتخابی شعبدہ بازی تھی جب کہ صرف اس گمان میں کہ غیر ملکی فوج حملہ آور ہورہی ہے، آپ نے اپنی زمین کو جنگ میں دھکیل دیا۔ انہوں نے مطالبہ کیا کہ فوج کو سیاست میں دھکیلنا بند کریں کیوں کہ فوج ایسے ہی مہذب ہے جیسے ہماری ریاست ہے۔

اس خبر کو بھی پڑھیں؛ پاکستان سے متعلق بیان پرکل آج اورآگے بھی قائم رہوں گا، سدھو