ماورا حسین گریجویشن کی ڈگری لیتے ہوئے جذباتی ہوگئیں

خوش قسمت ہوں کہ مجھے اپنے والدین کو فخر محسوس کرانے کا موقع ملا، ماورا حسین

ویب ڈیسک March 06, 2019

میرے والدین کی آنکھوں میں آج جو چمک، خوشی اور جذبات ہیں آج سے پہلے میں نے کبھی محسوس نہیں کیے، ماورا حسین فوٹوسوشل میڈیا

نامور پاکستانی اداکارہ ماورا حسین گریجویشن کی ڈگری لیتے ہوئے جذباتی ہوگئیں۔

اداکارہ ماورا حسین نے حال ہی میں اسکول آف لندن سے گریجویشن کی ڈگری حاصل کی ہے۔ انہوں نے اپنی زندگی کے خوشی بھرے لمحات کو اپنے چاہنے والوں کے ساتھ سوشل میڈیا پر شیئر کرتے ہوئے لکھا ''ہمیشہ اپنا سر جھکا کر رکھیں اور محنت کریں۔''

Always keep your head down & work hard.
Love,
M#Graduation @UoLondon
Alhumdulillah 🙏🏻🙏🏻❤️ pic.twitter.com/MRkKgAgUrB
— MAWRA HUSSAIN (@MawraHocane) March 6, 2019

اس خبرکوبھی پڑھیں: ماورا حسین کی وکالت کی ڈگری پر سوالات کھڑے ہوگئے

اس کے علاوہ انسٹاگرام پر بھی ماورا ان خوشی بھرے لمحات کی تصاویر شیئر کرتے ہوئے لکھا ''زندگی میں کچھ لمحات ایسے ہوتے ہیں جو آپ کو بہت خوشی دیتے ہیں اوران لمحات میں سمجھ نہیں آتا کہ کیا کریں، مجھے بالکل بھی اندازہ نہیں تھا کہ میں گریجویٹ ہوجاؤں گی لیکن آج اسٹیج پر چلتے ہوئے مجھے بہت خوشی ہورہی ہے اورمیں بہترین زندگی گزارنے پرشکر گزار ہوں۔ اس کے ساتھ ماورا نے اپنے لیے دعائیں کرنے والوں کا شکریہ اداکرتے ہوئے کہا کہ میں اپنے اساتذہ کا بھی شکریہ اداکرنا چاہوں گی جنہوں نے مجھ پر بھروسہ کیا۔''

[instagram-post url="https://www.instagram.com/p/BupfKrMAL-w/"]

ماورا نے اس موقع پر اپنے والدین کے ساتھ بھی اپنی تصویر شیئر کرتے ہوئے لکھا ''میرے والدین کی آنکھوں میں آج کے دن جو چمک، خوشی اور جذبات ہیں آج سے پہلے میں نے کبھی ان کی آنکھوں میں محسوس نہیں کیے تھے میں خوش قسمت ہوں کہ مجھے اپنے والدین کو فخر محسوس کرانے کا موقع ملا۔''

[instagram-post url="https://www.instagram.com/p/BupmziOAcFP/"]

واضح رہے کہ گزشتہ برس ماورا نے وکالت کا امتحان 85 فیصد نمبروں سے پاس کیا تھا اور یہ خبرمداحوں کے ساتھ شیئر کرتے ہوئے لکھا تھا کہ وہ شاندار نمبروں سے وکالت کا امتحان پاس کرنے پر بے حد خوش ہیں۔