پاک بھارت کشیدگی پہلے سے کم ہوئی لیکن خطرہ برقرار ہے وزیراعظم

بروقت اور درست فیصلوں سے جنگ کا خطرہ ٹل گیا ہے، عمران خان ۔ فوٹو: فائل

---

وزیراعظم عمران خان کا کہنا ہے کہ پاکستان اور بھارت کے درمیان کشید گی پہلے سے کم ہوئی لیکن خطرہ اب بھی برقرار ہے۔

وزیراعظم کی زیرصدارت تحریک انصاف اور اتحادی جماعتوں کامشترکہ اجلاس ہوا جس میں عمران خان نے کہا کہ بروقت اور درست فیصلوں سے جنگ کا خطرہ ٹل گیا، دونوں ممالک میں کشیدگی پہلے سے کم ہوئی لیکن خطرہ اب بھی برقرار ہے۔

وزیراعظم عمران خان نے پاک بھارت کشیدگی پر اٹھائے گئے اقدامات پر اراکین کو اعتماد میں لیتے ہوئے کہا کہ کوئی بھی فیصلہ عالمی دباؤ کے پیش نظر نہیں کیا جا رہا، دنیا پر واضح کر چکے ہیں کہ وہ فیصلہ کریں گے جو ملکی مفاد میں ہو گا۔

اس موقع پر پارٹی اراکین نے کہا کہ وزیراعظم کے اقدامات سے دنیا میں مثبت پیغام گیا جب کہ پارلیمانی پارٹی کے رہنماؤں نے بہترین سفارت کاری پر وزیرخارجہ شاہ محمودقریشی کو خراج تحسین بھی پیش کیا۔