سعودی عرب کے وزیرمملکت برائے خارجہ پاکستان پہنچ گئے

سعودی وزیر مملکت برائے خارجہ پاکستانی قیادت سے اہم ملاقاتیں کریں گے ۔ فوٹو : فائل

---

سعودی عرب کے وزیرمملکت برائے خارجہ عادل الجبیر اسلام آباد پہنچ گئے ہیں جہاں وہ پاکستانی قیادت سے اہم ملاقاتیں کریں گے۔

سعودی عرب کے وزیر مملکت برائے خارجہ امور عادل الجبیر اسلام آباد پہنچ گئے ہیں، اپنے دورے کے دوران سعودی وزیر خارجہ پاکستانی قیادت سے اہم ملاقاتیں کریں گے۔

وزارت خارجہ کا کہنا ہے کہ سعوی وزیر خارجہ اپنے پاکستانی ہم منصب شاہ محمود قریشی سے بھی ملاقات کریں گے جس میں خطے میں امن و امان کی تازہ ترین صورتحال سمیت باہمی دلچسپی کے امور پر تبادلہ خیال کیا جائے گا۔

دوسری جانب لکسمبرگ کے وزیر خارجہ جین ایزلبورن دو روزہ دورے پر پاکستان پہنچے ہیں جہاں وزارت خارجہ کے اعلیٰ حکام نے ان کا خیر مقدم کیا۔

لکسمبرگ کے وزیر خارجہ جین ایزلبورن وزیر خارجہ شاہ محمود قریشی سے ملاقات کی، دونوں وزرائے خارجہ کے مابین دو طرفہ تجارت کے فروغ اور خطے میں امن و امان کی صورتحال سمیت باہمی دلچسپی کے امور پر تبادلہ خیال کیا گیا، جین ایزلبورن اپنے 2 روزہ دورہ پاکستان کے دوران پاکستان کی اعلیٰ سیاسی قیادت سے بھی اہم ملاقاتیں کریں گے۔