پاکستان کے اسٹار فٹبالر کلیم اللہ کا عراقی کلب کے ساتھ معاہدہ

قومی ٹیم سے نظرانداز کھلاڑی اس سے قبل ترکی کے کلب کی نمائندگی کر رہے تھے

---

LONDON: پاکستان کے اسٹار فٹبالر کلیم اللہ نے عراقی کلب کے ساتھ معاہدہ کرلیا۔

غیر ملکی لیگز میں تسلسل کے ساتھ شرکت کرنے والے پاکستانی فٹبالر کلیم اللہ کا عراقی کلب النجف کے ساتھ معاہدہ طے پا گیا ہے، قومی ٹیم سے نظرانداز کھلاڑی اس سے قبل ترکی کے کلب کی نمائندگی کر رہے تھے۔ کلیم اللہ پروفیشنل فٹبال میں گولز کی سنچری مکمل کرنے والے واحد پاکستانی فٹبالر ہیں۔

النجف کلب کے ساتھ ان کا 4 ماہ کا معاہدہ ہوا ہے، نیا کنٹریکٹ ملنے پر خوشی کا اظہار کرتے ہوئے کلیم اللہ نے کہا ہے کہ النجف کلب کی جانب سے ایشین فٹبال پریمیئر لیگ میں شرکت کا موقع ملے گا،اپنی شاندار کارکردگی سے اس ایونٹ میں بھی پاکستان کا نام روشن کروں گا۔