کسی اسپتال منتقل نہیں ہونا چاہتا نواز شریف

نواز شریف کو پی آئی سی لاہور، راولپنڈی یا الشفاء اسپتال منتقل کیا جاسکتا ہے، ذرائع فوٹو:فائل

---

سابق وزیراعظم نواز شریف نے کہا ہے کہ وہ کسی اسپتال منتقل نہیں ہونا چاہتے۔

میاں نواز شریف کے دل کے مرض کے پیش نظر ان کے ذاتی معالج ڈاکٹر عدنان نے سابق وزیر اعظم سے کوٹ لکھپت جیل میں ملاقات کی۔ ڈاکٹر عدنان میاں نواز شریف کے لیئے ادویات بھی لیکر پہنچے۔ اس موقع پر انہوں نے کہا کہ میاں نواز شریف کو دل کے مرض کے فوری علاج کی ضرورت ہے۔

ذرائع کے مطابق پنجاب حکومت نے نواز شریف سے پوچھا ہے کہ وہ کس اسپتال میں منتقل ہونا چاہتے ہیں، جس پر نوازشریف نے جواب دیا کہ وہ کسی اسپتال منتقل نہیں ہونا چاہتے۔

محکمہ داخلہ پنجاب نے 3 اسپتالوں کے نام تجویز کئے ہیں کہ نواز شریف کو پی آئی سی لاہور، راولپنڈی یا الشفاء اسپتال منتقل کیا جاسکتا ہے، تاہم نوازشریف کی تائید کا انتظار ہے۔