بجلی کی عدم فراہمی پر مختلف علاقوں میں مظاہرے

ابو الحسن اصفہانی روڈ پر بجلی کی عدم فراہمی کے خلاف مظاہرے کے دوران نامعلوم افراد کی فائرنگ سے نوجوان زخمی ہوگیا، تفصیلات کے مطابق کریم آباد کے علاقے میں بجلی کی لوڈ شیڈنگ سے ستائے شہری سڑکوں پر نکل آئے اور احتجاج کیا ، مظاہرین نے کہا کہ ان کے علاقے میں گزشتہ 3 روز سے بجلی کی فراہمی معطل ہے، ان کے معمولات زندگی شدید متاثر ہیں اور ان کی زندگی اجیرن ہوگئی ہے، رمضان المبارک میں بھی بجلی کی عدم فراہمی ان کی سمجھ سے بالاتر ہے، سحری اور افطاری کے دوران خصوصی طور پر انھیں مشکلات کا سامنا ہے، بجلی نہ ہونے کی وجہ سے گھروں میں خصوصاً خواتین اور بچوں کو پریشانی ہے، ان کے گھروں میں پانی کی فراہمی بھی معطل ہوگئی ہے اور وہ دور دراز علاقوں سے پانی بھر کر لانے پر مجبور ہیں ، صورتحال کا فائدہ اٹھاتے ہوئے ٹینکر مافیا نے بھی نرخ بڑھادیے ہیں جس سے ان کی چاندی ہوگئی۔