کراچی میں پی ایس ایل فور مقابلوں کا انعقاد پورے پاکستان کی کامیابی ہے مراد علی شاہ

اور میری خواہش بھی ہے کہ میری فیورٹ ٹیم فائنل جیتے، مراد علی شاہ، فوٹو: فائل

---

وزیر اعلی سندھ سید مراد علی شاہ نے کہا ہے کہ کراچی میں پی ایس ایل فور مقابلوں کا انعقاد پورے پاکستان کی کامیابی ہے، امید ہے کہ آئندہ سال لیگ کے مقابلے ملک کے دیگر شہروں میں بھی ہوں۔

نیشنل اسٹیڈیم کے دورے کے بعد میڈیا سے گفتگو کرتے ہوئے مراد علی شاہ نے کہا کہ میری فیوریٹ ٹیم توکراچی کنگز ہے اور میری خواہش بھی ہے کہ میری ٹیم فائنل جیتے۔

انہوں نے کہا کہ چیئر مین پی سی بی سے ملاقات میں کہا تھا کہ اب پی ایس ایل کو اور آگے بڑھانا ہے، ہمارا مقصد کراچی سے بڑھتے ہوئے حیدرآباد میں پی ایس ایل میچز کرانا ہے۔

ایک سوال کے جواب میں وزیر اعلی نے کہا کہ بھارت ہم سے اس لیے کھیلنے سے گھبراتا ہے کہ اسے پاکستان سے شکست کا خوف لاحق رہتا ہے۔