میچ میں فوجی کیپس پہننے پر بھارتی کرکٹ ٹیم کیخلاف کارروائی کی جائے فواد چوہدری

بھارتی ٹیم کے فوجی کیپس پہننے پر پی سی بی بھی آئی سی سی میں احتجاج کرے، فواد چوہدری فوٹو: فائل

---

وفاقی وزیر اطلاعات و نشریات فواد چوہدری نے آئی سی سی سے کرکٹ میچ کے دوران فوجی کیپ پہننے پر بھارتی کرکٹ ٹیم کے خلاف کارروائی کا مطالبہ کیا ہے۔

ٹوئٹر پر اظہار خیال کرتے ہوئے فواد چوہدری نے کہا کہ یہ کرکٹ نہیں ہے، میں امید کرتا ہوں کہ جینٹل مینز گیم کو سیاست کی نذر کرنے پر آئی سی سی کارروائی کرے گی۔ اس حوالے سے پی سی بی بھی آئی سی سی میں باقاعدہ احتجاج کرے۔

فواد چوہدری نے مزید کہا کہ اگر بھارتی کرکٹ ٹیم کو نہیں روکا گیا تو پاکستان کرکٹ ٹیم کو بھی کشمیر میں بھارتی مظالم کے خلاف بازوؤں پر سیاہ پٹیاں باندھ لینی چاہئیں تاکہ دنیا کو اس حوالے سے باور کرایا جاسکے۔

“It’s just not Cricket”, I hope ICC ll take action for politicising Gentleman’s game ... if Indian Cricket team ll not be stopped, Pak Cricket team should wear black bands to remind The World about Indian atrocities in Kashmir... I urge #PCB to lodge formal protest pic.twitter.com/GoCHM9aQqm

— Ch Fawad Hussain (@fawadchaudhry) March 8, 2019

گزشتہ روز بھارتی شہر رانچی میں آسٹریلیا کے خلاف میچ میں بھارتی ٹیم نے فوجی کیپس پہن رکھی تھیں۔ اس حوالے سے بھارتی کرکٹ بورڈ نے ٹوئٹ کی تھی جس میں کہا گیا تھا کہ بھارتی ٹیم پلوامہ حملے پر بھارتی افواج سے اظہار یک جہتی کے لیے کیمو فلاج کیپ پہنے گی۔

میچ میں فوجی کیپس پہننے کے بعد بھارتی ٹیم کا بھی وہی حشر ہوا جو پاکستان کے ساتھ پنجہ آزمائی پر بھارتی فوج کا ہوا تھا یعنی دونوں مرتبہ شکست بھارت کا مقدر بنی۔