ڈیرہ بگٹی میں گیس کے اخراج سے دھماکا 5 افراد جاں بحق

گھر میں زوردار دھماکے کے بعد چھت زمیں بوس ہوگئی فوٹو:فائل

---

زین لوٹی کے علاقے میں گیس اخراج کے باعث ایک ہی خاندان کے 5 افراد جاں بحق ہوگئے۔

ڈیرہ بگٹی کے علاقے زین لوٹی میں ایک گھر میں زوردار دھماکے کے بعد چھت زمیں بوس ہوگئی جس کے نتیجے میں 3 بچوں سمیت 5 افراد شدید زخمی ہوگئے۔ انہیں اسپتال منتقل کیا گیا جہاں زخموں کی تاب نہ لاتے ہوئے وہ دم توڑ گئے۔

جاں بحق افراد میں گھر کے سربراہ غلام نبی بگٹی، ان کی اہلیہ اور تین بچے شامل ہیں۔ لیویز کے مطابق گھر میں گیس لیکج کے باعث دھماکا ہوا اور آگ لگ گئی جس کے ساتھ ہی چھت بھی گرگئی۔