نوازشریف کے لیے نیک خواہشات پر بلاول کیلئے دعاگو ہوں مریم نواز

میں بلاول بھٹو کی بہت شکر گزار ہوں، مریم نواز، فوٹو: فائل

---

پاکستان مسلم لیگ (ن ) کی مرکزی رہنما مریم نواز نے پیپلز پارٹی کے چیئرمین بلاول بھٹو زرداری کی کوٹ لکھپت جیل میں نواز شریف ملاقات پر ان کا شکریہ ادا کیا ہے۔

سماجی رابطے کی ویب سائٹ ٹوئٹر پر جاری اپنے بیان میں مریم نواز نے کہا کہ میں بلاول بھٹو کی بہت شکر گزار ہوں، ان کی فکر مندانہ اور مدبرانہ سوچ قابل قدر ہیں۔

مریم نواز نے کہا کہ بلاول بھٹوکی نوازشریف کے لیے نیک خواہشات پر ان کیلئے دعاگوہوں ،اللہ آپ کو سلامت رکھے۔

یہ بھی پڑھیں: بلاول بھٹو زرداری کی کوٹ لکھپت جیل میں نواز شریف سے ملاقات

واضح رہے کہ چیئرمین پیپلزپارٹی بلاول بھٹو نے کوٹ لکھپت جیل میں قید سابق وزیراعظم نوازشریف سے ملاقات کی اور ان کی جلد صحت یابی کے لیے نیک خواہشات کا اظہار کیا۔

Thank you very much @BBhuttoZardari for your thoughtfulness & kind gesture. Means a lot to me. Prayers & every good wish. God bless 🤲🏼

— Maryam Nawaz Sharif (@MaryamNSharif) March 11, 2019