آرمی چیف جنرل اشفاق پرویزکیانی سے روس کےکمانڈران چیف کی ملاقات

روس کےکمانڈران چیف کرنل جنرل ولادمیروی چکرن نے جی ایچ کیو راولپنڈی میں آرمی چیف جنرل اشفاق پرویزکیانی سے ملاقات کی۔


آئی ایس پی آرکے مطابق پاکستان اور روس کی عسکری قیادت کی ملاقات میں دفاعی تعلقات کومستحکم بنانے اورمسلح افواج کےدرمیان تعاون کوفروغ دینے کے حوالے سے مختلف اُمورپرتبادلہ خیال کیا گیا۔ دونوں ممالک کے فوجی سربراہوں نے خطےکی سیکیورٹی کی صورتحال پربھی غورکیا۔ اس سے قبل روس کےفوجی سربراہ کوجی ایچ کیوآمد پرمسلح افواج کے دستےنے گارڈ آف آنرپیش کیا، جنرل ولادمیرنےشہدا کی یادگارپرپھول بھی چڑھائے۔