حملے کا خطرہ مشرف حملہ کیس کے ملزم دوسری جیلوں میں منتقل

حساس اداروں کی رپورٹ پر ان تینوں ملزموں کو سخت سیکیورٹی میں لاہور راولپنڈی اور ملتان کی جیلوں میں منتقل کردیا گیا۔. فوٹو: فائل

---

KARACHI: ساہیوال جیل پر حملے کے خطرے کے پیش نظرمشرف حملہ کیس کے ملزم دوسری جیلوں میں منتقل کر دیے گئے۔

مانیٹرنگ ڈیسک کے مطابق مشرف حملہ کیس میں3 ملزموں اسلم زاہد، طاہر مقصود اور سیف الرحمن ساہیوال کی جیل میں 25سال قید کی سزا کاٹ رہے تھے۔ حساس اداروں کی رپورٹ پر ان تینوں ملزموں کو سخت سیکیورٹی میں لاہور راولپنڈی اور ملتان کی جیلوں میں منتقل کردیا گیا۔ دہشت گردوں نے کچھ عرصہ پہلے جیل حکام کو ساتھی چھڑوانے کی دھمکی دی تھی۔