حکومت نے نیا پاکستان ہاؤسنگ پروگرام کے تحت غیر ملکی کمپنیوں پر پاکستانی مزدوروں اور مقامی خام مال کا استعمال لازمی قراردینے کا فیصلہ کیا ہے۔

سینیٹر میر کبیر احمد کی زیر صدارت سینیٹ کی قائمہ کمیٹی برائے ہاؤسنگ و تعمیرات کا اجلاس منعقد ہوا جس میں وزیر ہاؤسنگ اینڈ ورکس طارق بشیر چیمہ نے کہا کہ نیا پاکستان ہاؤسنگ اتھارٹی کے قیام کے لیے کام جاری ہے۔

انہوں نے بتایا کہ منصوبے کے لیے مقامی اور عالمی سرمایہ کاروں کو دعوت دی جائے گی، رواں ماہ کے آخر تک منصوبہ اسلام آباد اورکوئٹہ میں شروع کریں گے کسی کو بھی گھر مفت نہیں ملے گا۔