بھارت کے مدارس اور اردو میڈیم اسکولوں میں ’’بھگوت گیتا‘‘ کی تعلیم لازمی قرار

حکومت کی جانب سے سرکاری اور نجی تعلیمی اداروں میں بھگوت گیتا کی تعلیم لازمی قرار دے دیاگئی ہے اوراس کا اطلاق اردو میڈیم اسکولوں اور مدارس پر بھی بلا تفریق ہوگا۔ فوٹو : فائل

---

بھارتی ریاست مدھیہ پردیش میں ہندو انتہا پسند تنظیم بی جے پی کی حکومت نے مدارس اور اردو میڈم اسکولوں میں ہندو مت کی مقدس کتاب ''بھگوت گیتا'' کی تعلیم لازمی قرار دے دی ہے۔

بھارتی میڈیا کے مطابق ریاستی حکومت کی جانب سے سرکاری اور نجی تعلیمی اداروں میں بھگوت گیتا کی تعلیم لازمی قرار دے دیاگئی ہے اوراس کا اطلاق اردو میڈیم اسکولوں اور مدارس پر بھی بلا تفریق ہوگا۔

دوسری جانب ریاست کی مسلم تنظیموں نے اس فیصلے کی شدید مخالفت کرتے ہوئے مطالبہ کیا ہے کہ اس فیصلے کو فوری طور پر واپس لیا جائے یا پھر ہندی میڈیم اور مشنری اسکولوں میں گیتا کی طرح اسی طرح قرآن کی تعلیم بھی لازمی قرار دی جائے جس طرح گیتا کی تعلیم کو لازمی قرار دیا گیا ہے۔

واضح رہے کہ مدھیہ پردیش میں ہندو انتہا پسند تنظیم بھارتیہ جنتاپارٹی بر سراقتدار ہے اور کچھ ماہ بعد ریاستی انتخابات کا انعقاد کیا جانا ہے۔