پی ایس ایل فائنل کی اختتامی تقریب میں فنکاروں کی شاندار پرفارمنس

کراچی میں پی ایس ایل کا فائنل کرانا فخر ہے، چیئرمین پی سی بی احسان مانی

---

پی ایس ایل فور کی رنگا رنگ اختتامی تقریب نیشنل اسٹیڈیم کراچی میں ہوئی جس میں فنکاروں نے شاندار پرفارمنس کا مظاہرہ کیا۔

پاکستان سپر لیگ فائنل کی رنگا رنگ اختتامی تقریب نیشنل اسٹیڈیم کراچی میں ہوئی، اختتامی تقریب سے قبل سانحہ نیوزی لینڈ میں شہید افراد سے اظہار یکجہتی کے لیے گراؤنڈ میں ایک منٹ کی خاموشی بھی اختیار کی گئی۔ اختتامی تقریب میں گلوکار ابرار الحق، آئمہ بیگ اور فواد خان سمیت جنون بینڈ نے شاندار فارمنس کا مظاہرہ کیا جس پر گراؤنڈ میں موجود شائقین بھی جھوم اٹھے۔

Music maestro @shujaxhaider and singing sensation @AimaBaig3 performing at the closing ceremony of the #HBLPSL2019#KhelDeewanoKa pic.twitter.com/qPgmujBtIs

— PakistanSuperLeague (@thePSLt20) March 17, 2019

صدرمملکت عارف علوی، آرمی چیف جنرل قمر جاوید باجوہ، ترجمان پاک فوج میجر جنرل آصف غفور، وزیر مملکت برائے داخلہ شہریار آفریدی، گورنر سندھ عمران اسماعیل، ڈی جی رینجرز اور وزیر ریلوے سمیت ارکان صوبائی اسمبلی نے بھی نیشنل اسٹیڈیم میں پی ایس ایل کا فائنل میچ دیکھا۔

Superstar @_fawadakhan_ and dynamic Young Desi on stage with #KhelDeewanoKa. pic.twitter.com/COndBBpnCM

— PakistanSuperLeague (@thePSLt20) March 17, 2019

تقریب سے خطاب کرتے ہوئے چیئر مین پی سی بی احسان مانی کا کہنا تھا کہ کراچی میں پی ایس ایل کا فائنل کرانا فخر ہے، کرکٹ کا گیم ہی لوگوں کے چہروں پر خوشی لاتا ہے، وزیر اعظم عمران خان سمیت وزیر اعلیٰ سندھ مراد علی شاہ، سیکورٹی فورسز اور عوام کا شکریہ ادا کرتا ہوں جن کی مدد سے پی ایس ایل کا فائنل یہاں ہو رہا ہے۔

اس موقع پر وزیراعلیٰ سندھ مراد علی شاہ کا کہنا تھا کہ 2 سال پہلے وعدہ کیا تھا پی ایس ایل یہاں لائیں گے، اس سال سارے میچز یہاں ہو رہے، کراچی والے جیت گئے، جو بھی ٹیم جیتے، جیت کرکٹ اور پاکستان کی ہوگی۔

Legendary sufi rock band, Junoon performing at the closing ceremony of the #HBLPSL2019#KhelDeewanoKa pic.twitter.com/4Nifmp3Ngk

— PakistanSuperLeague (@thePSLt20) March 17, 2019