پی سی بی کا کرکٹ ٹیم کے کھلاڑیوں کو عیدی دینے کا اعلان

پاکستان کرکٹ بورڈ نےاس سال ویسٹ انڈیز کو زیر کرنے والی قومی کرکٹ ٹیم کوعیدی دینے کا اعلان کیا ہے۔

ویسٹ انڈیز کے ساتھ سیریز میں شاندار کارکردگی کا مظاہرہ کرنے اور ون ڈے سیریزکے بہترین کھلاڑی مصباح الحق، بہترین باؤلنگ اور 400 چھکوں کا ریکارڈ بنانے والے شاہدآفریدی، عمر اکمل کو بیٹنگ اور وکٹ کیپنگ میں بہترین پرفارمنس پر اور ٹی 20 میں مین آف دی سیریز قرار پانے والے ذوالفقار بابر کو 4، 4 لاکھ روپے جب کہ باقی کھلاڑیوں کو 2، 2 لاکھ روپےاور ٹیم آفیشلز کو ایک ایک لاکھ روپےعیدی ملےگی۔

پی سی بی نے پاکستان ویمن ٹیم کوبھی عیدی دینےکافیصلہ کیا ہے، اسکاٹ لینڈ میں کھیلے جانے والے ورلڈ ٹی 20 کوالیفائر کی ناقابل شکست پاکستان ویمن ٹیم کی ہر کھلاڑی کو ایک ایک لاکھ روپےجب کہ مینجمنٹ کے ہررکن کو50 ، 50 ہزار روپے دیئے جائیں گے۔