فٹبال اسٹار کا شائقین کی جانب سے پُرتپاک استقبال

کراچی آکرخیالات بدل گئے، پاکستان کھیلوں کیلیے محفوظ ملک ہے،پائیول

---

پی سی بی کی دعوت پراسپین کے معروف فٹبالر کارلس پائیول نے مہمان خاص کی حیثیت سے پی ایس ایل فور فائنل میں شرکت کی۔

انھوں نے میچ کے آغاز سے قبل نیشنل اسٹیڈیم کا چکر لگایا اور تماشائیوں نے تالیاں بجاکر ان کا پْرتپاک خیر مقدم کیا، بارسلونا کے سابق کپتان اور دفاعی کھلاڑی نے کہاکہ میں پاکستان آنے پر بہت مسرور ہوں،زیادہ خوشی اس بات کی ہے کہ کرکٹ کے اتنے بڑے میچ کے لیے میں اسٹیڈیم میں موجود ہوں،انھوں نے کہا کہ پاکستانی کھیلوں سے محبت کرتے ہیں۔

یہاں آکرملک کے بارے میں میرے خیالات بدل گئے، میں سمجھتا ہوں کہ پاکستان ہر طرح سے کھیلوں کے لیے محفوظ ملک ہے، پائیول نے پاکستانی کپتان سرفراز احمد سے بھی گراؤنڈ میں ملاقات کی اور ان کے ساتھ مل کرمختلف اسٹینڈز میں تماشائیوں کی جانب فٹبال پھینکے، اس موقع پرکوئٹہ کے دیگرکرکٹرز بھی موجود تھے۔