ٹنڈو الہیار پانی کے تنازع پر 2 گروہوں میں تصادم 3 افراد جاں بحق

دو بدو فائرنگ کے تبادلے کے نتیجے میں 3افراد جاں بحق اور 2 زخمی ہوگئے۔ فوٹو: فائل

---

چمبڑ تھانے کی حدود میں پانی کے تنازع پر لغاری برادری کے 2 گروہوں میں تصادم۔

دو بدو فائرنگ کے تبادلے کے نتیجے میں 3افراد جاں بحق اور 2 زخمی ہوگئے، علاقے میں خوف وہراس، تفصیلات کے مطابق چمبڑ تھانے کے گاؤں پہاڑ لغاری میں پانی کے تنازع پر لغاری برادری کے 2 گروہ آپس میں ٹکرا گئے، فریقین میں فائرنگ کا تبادلہ شروع ہوگیا جسکے نتیجے میں مجیب احمد لغاری ولد محمد رفیق لغاری، احسان ولد عبدالشکور لغاری موقع پر جاں بحق ہوئے۔



جبکہ نوشاد لغاری ، الیاس ولد حاجی سنوارو، محمد ولد محمد ہاشم لغاری شدید زخمی ہوگئے جنھیں سول اسپتال چمبڑ پہنچایا گیا جہاں زخموں کی تاب نہ لاتے ہوئے نوشاد لغاری جاں بحق ہوگیا، واقعے کے بعد علاقے میں شدید خوف وہراس پایا جاتا ہے۔