ہالینڈ میں ٹرام پر فائرنگ کرنے کے شبہ میں مبینہ مرکزی ملزم سمیت 3 افراد گرفتار

ہالینڈ کے شہر یوتریخت میں ایک ٹرام میں اور چند دیگر مقامات پر فائرنگ کرنے کے شبے میں 3 افراد کو گرفتار کر لیا گیا ہے۔


پولیس نے مرکزی مشتبہ ملزم کو بھی حراست میں لے لیا ہے، جو ایک سینتالیس سالہ ترک شہری بتایا گیا ہے۔ ایسی خبریں بھی تھیں کہ حملہ آور نے ذاتی جھگڑے کی وجہ سے چند لوگوں کو نشانہ بنایا تاہم ڈچ وزارت داخلہ کے حکام نے کہا ہے کہ وہ اس بات کا پتہ چلا لیں گے کہ یہ کارروائی کسی ذاتی تنازع کی وجہ سے کی گئی یا اس کا مقصد کچھ اور تھا۔

گرفتار کیے جانے والے دو دیگر افراد کے بارے میں کوئی تفصیلات فراہم نہیں کی گئیں۔ اس واقعہ میں تین افراد ہلاک اور پانچ دیگر زخمی ہو گئے تھے۔