بلوچستان کے علاقے سنجاوی میں لیویز چوکی پر حملہ 6 اہلکارشہید

سیکیورٹی فورسز کی جوابی کارروائی میں تمام ملزمان فرار ہو گئے۔ فوٹو: فائل

---

زیارت کی تحصیل سنجاوی میں لال کٹائی کے مقام پر لیویز چوکی پر حملے میں 6 اہلکار شہید اور متعدد زخمی ہوئے ہیں۔

ایکسپریس نیوز کے مطابق بلوچستان کے ضلع زیارت کی تحصیل سنجاوی میں لال کٹائی کے مقام پر نامعلوم افراد کی جانب سے لیویز چیک پوسٹ پر حملہ کیا گیا جس کے نتیجے میں متعدد اہلکار زخمی ہوئے جنہیں فوری طور پر اسپتال منتقل کیا گیا لیکن ان میں سے 6 اہلکار جانبر نہ ہوسکے جب کہ متعدد زخمی کی حالت اب بھی تشیوشناک بتائی جارہی ہے۔

دوسری جانب حملے کے بعد لیویز اور ایف سی کی بھاری نفری جائے وقوعہ پہنچ گئی ہے جہاں علاقہ کو گھیرے میں لے کر حملہ آوروں کی تلاش کے لیے سرچ آپریشن شروع کردیا گیا ہے۔

ڈپٹی کمشنر قادر بخش پرکانی نے حملے میں 6 اہلکاروں کی ہلاکت کی تصدیق کرتے ہوئے کہا کہ لیویز اہلکاروں پر حملہ رات گئے کیا گیا۔