ٹنڈوالہیار کے قریب کشتی الٹنے سے ایک ہی خاندان کے 6 افراد جاں بحق

ریسکیو ٹیموں نے 6 سال کا حیات اور 4 سال کی شبانہ کو بے ہوشی کی حالت میں زندہ نکال کر اسپتال منتقل کر دیا گیا۔ فوٹو ایکپسریس نیوز

---

ٹنڈوالہیار کے قریب نہر میں کشتی الٹنے سے ایک ہی خاندان کے 6 افراد ڈوب کر جاں بحق ہو گئے، جبکہ 2 کو بچا لیا گیا۔

ٹنڈوالہیار سے 50 کلو میٹر دور تعلقہ جھنڈو مری کے رہائشی ملاح برادری کے افراد عید منانے کے لیے ایلچی ڈھورا نہر کے ذریعےاپنے گاؤ ں جا رہے تھے کہ طغیانی کے باعث کشتی الٹ گئی اور کشتی میں سوار ایک ہی خاندان کے 8 افراد ڈوب گئے، جن میں سے محمد اور اسماعیل سمیت 6 افراد جاں بحق ہوگئے، جبکہ ریسکیو ٹیموں نے 2 بچوں کو بچالیا جن میں 6 سال کا حیات اور 4 سال کی شبانہ شامل ہیں، بچوں کو بے ہوشی کی حالت میں زندہ نکال کر اسپتال منتقل کر دیا گیا۔