قبائلی عوام کی حمایت کے بغیروزیرستان آپریشن کامیاب نہیں ہوگاعمران خان

اسلام آباد میں پاکستان تحریک انصاف کے چیرمین عمران خان نے پریس کانفرنس کرتے ہوئے کہا کہ دہشت گردی کے خلاف جنگ صرف اسی صورت جیتی جاسکتی ہے جب قبائلی علاقوں کے عوام کوامن عمل میں شامل کیا جائے.

انھوں نے کہا کہ وزیرستان میں اسطرح آپریشن کرنے سے ایسا ظاہر ہوگا کہ جیسے کراچی میں ہونے والی ٹارگٹ کلنگ کا بدلہ لیا جارہا ہے۔


عمران خان نے کہا کہ میں پچھلے 8 سالوں سے یہ بات کہہ رہا ہوں کہ دہشت گردی کے خلاف جنگ قبائلی عوام کو ملائے بغیر جیتی نہیں جاسکتی اورکوئی بھی فوجی آپریشن اس مسئلے کا حل نہیں.

وزیرستان مارچ پر طالبان کی طرف سے ملنے والی دھمکیوں سے متعلق عمران خان نے کہا کہ وہاں جاکر یہ بتانا چاہتے ہیں کہ ہم ان کے ساتھ ہیں۔

عمران خان ن نے کہا کہ وزیرستان امن مارچ میں امریکا سے وہ خواتین بھی شامل ہوں گی جنہوں نے اس جنگ میں اپنے بیٹوں کی قربانی دی ہے۔