اسکول میں 23 مارچ اور رزلٹ کی تقریب جاری تھی کہ اس دوران یہ افسوس ناک واقعہ پیش آیا۔ فوٹو:ٹوئٹر
گوجرانوالہ میں کشمیر روڈ پر کے ٹی ماڈل اسکول کی چھت گرگئی جس کے نتیجے میں متعدد طلبہ اور ٹیچر شدید زخمی ہوگئے۔
امدادی کارکنوں اور موقع پر موجود لوگوں نے فوری طور پر بچوں کو اسپتال منتقل کیا تاہم زخموں کی تاب نہ لاتے ہوئے 6 بچے اور ایک استانی جاں بحق ہوگئی جبکہ 16 افراد زخمی ہیں۔
ڈپٹی کمشنر نائلہ باقر اور دیگر حکام موقع پر پہنچ گئے ہیں۔ انہوں نے بتایا کہ اسکول میں 23 مارچ اور رزلٹ کی تقریب جاری تھی کہ اس دوران یہ افسوس ناک واقعہ پیش آیا۔
پولیس نے اسکول کے پرنسپل سعید اور ایک کلرک کو حراست میں لے لیا۔ پولیس نے ابتدائی تحقیقاتی رپورٹ میں بتایا کہ اسکول کی چھت پہ ٹینٹ لگائے گئے تھے جس کے لیے چھ انچ کے کیل ٹھونکے گئے جس سے چھت کمزور ہوگئی، پھر بارش بھی ہوئی جس کے باعث ٹینٹ بھاری ہوگئے، بچوں کے دیوار سے ٹیک لگانے اور ہوا چلنے پر خستہ ہال دیوار گرگئی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔