ماہرہ اور بلال اشرف کی فلم ’’سپر اسٹار ‘‘ میں دھماکے دار انٹری

ماہرہ خان فلم میں ’’نوری‘‘ اور بلال اشرف ’’سمیر‘‘ کا کردار ادا کررہے ہیں۔ فوٹو: فائل

---

ماہرہ خان اوربلال اشرف کی فلم 'سپر اسٹار' میں دھماکے دار انٹری کے بعد فلم کی شوٹنگ شروع کردی گئی ہے۔

جاندار اداکاری اور دلفریب حسن کی وجہ سے پہچانی جانے والی ماہرہ خان پاکستان انڈسٹری کی صفہ اول اداکارہ مانی جاتی ہیں جوکہ اب تک کئی پاکستانی فلموں کے ساتھ ساتھ بھارتی فلموں میں بھی کام کرکے بھارتیوں کو بھی اپنا گرویدہ بنا چکی ہیں تاہم پاکستان کی یہ سپر اسٹار اداکارہ اب فلم 'سپر اسٹار' میں بھی نظر آئیں گی جس کی شوٹنگ بھی شروع ہوچکی ہے۔

نوری اور سمیر @IamBilalAshraf pic.twitter.com/jOeIL7EsVF

— Mahira Khan (@TheMahiraKhan) March 22, 2019

اداکارہ ماہرہ خان نے سماجی رابطے کی ویب سائٹ ٹوئٹر پر ایک تصویر پوسٹ کی جس میں وہ ایک منفرد انداز کے ساتھ اداکار بلال اشرف کے ساتھ موجود ہیں۔ ماہرہ نے اپنی ٹوئٹ میں یہ بھی بتایا کہ وہ فلم 'سپر اسٹار' میں 'نوری' جب کہ بلال اشرف 'سمیر' کا کردار ادا کررہے ہیں۔

سمیر اور نوری @TheMahiraKhan pic.twitter.com/iwxhAY0a0S

— Bilal Ashraf (@IamBilalAshraf) March 22, 2019

دوسری جانب بلال اشرف بھی اپنی اس فلم کے حوالے سے مداحوں کو آگاہ کرنا نہ بھولے۔ انہوں نے بھی ماہرہ کے ساتھ ایک تصویر پوسٹ کی جس میں وہ اور ماہرہ خان 'ڈک فیس' بنائے ہوئے ہیں اور ساتھ ہی بلال نے بھی کرداروں کے نام بھی بتائے۔

یہ خبر بھی پڑیں: میکال ذوالفقار کا ماہرہ خان کے لیے پسندیدگی کا اظہار

واضح رہے کہ معروف ہدایتکارہ مومنہ درید کی پروڈکشن میں بننے والی فلم 'سپر اسٹار' میں محمد احتشام الدین ہدایت کاری کے فرائض انجام دے رہے ہیں۔