آج دنیا کے پہلے ابو بچاؤ ٹرین مارچ کا آغاز ہوا ہے فواد چوہدری

یہ پہلی تحریک ہے جو کرپشن کو قانونی تحفظ دینے کیلیے شروع کی جا رہی ہے، وفاقی وزیر اطلاعات۔ فوٹو: فائل

---

وفاقی وزیر اطلاعات فواد چوہدری کا کہنا ہے کہ آج کراچی سے دنیا کے پہلے ابو بچاؤ ٹرین مارچ کا آغاز ہوا ہے۔

سماجی رابطے کی سائٹ ٹوئٹر پر وفاقی وزیر اطلاعات فواد چوہدری نے ٹوئٹ میں کہا کہ آج کراچی سے دنیا کے پہلے ابو بچاؤ ٹرین مارچ کا آغاز ہوا ہے، یہ پہلی تحریک ہے جو کرپشن کو قانونی تحفظ دینے کےلیے شروع کی جا رہی ہے۔

آج کراچی سے دینا کے پہلے ابو بچاؤ ٹرین مارچ کا آغاز ہوا ہے، پہلی تحریک جو کرپشن کو قانونی تحفظ کےلئے شروع کی جا رہی ہے۔۔۔

— Ch Fawad Hussain (@fawadchaudhry) March 26, 2019

واضح رہے کہ پاکستان پیپلز پارٹی کے چیئرمین بلاول بھٹو زرداری کی قیادت میں کراچی سے پیپلز پارٹی کے حکومت مخالف ٹرین مارچ کا آغاز ہوگیا ہے جو 4 اپریل کو گڑھی خدابخش پہنچے گا۔