شان کا اداکارندیم بیگ کی 50 سالہ فنی خدمات پرخراج تحسین

ناموراداکارشان نے پاکستان فلم انڈسٹری کے لیجنڈ اداکارندیم بیگ کو فن کے شعبے میں ان کی 50 سالہ خدمات کے اعتراف میں خراج تحسین پیش کیا ہے۔

اداکار ندیم بیگ کا شمارپاکستان کے لیجنڈ اداکاروں میں ہوتا ہے جنہوں نے پاکستان فلم انڈسٹری کو لازوال اورکامیاب فلمیں دیں۔ ندیم بیگ کو پاکستان فلم انڈسٹری میں 50 سال سے زائد کا عرصہ ہوگیا اورشان نے ان کے فلم انڈسٹری میں 50 سال مکمل ہونے اور فن کے شعبے میں گراں قدر خدمات کے اعتراف میں انہیں خراج تحسین پیش کیا ہے۔

اس خبرکوبھی پڑھیں: شان نے سوشل میڈیا پر عاصم اظہر اور ہانیہ عامر کی دوستی پر نئی بحث چھیڑ دی


اداکارشان نے سوشل میڈیا پراپنی اور اداکار ندیم بیگ کی ایک تصویر شیئر کرتے ہوئے لکھا ندیم بیگ ہماری انڈسٹری کے اصل لیجنڈ ہیں، فن کے شعبے میں ندیم صاب کی خدمات کو تقریباً 50 سال مکمل ہوگئے ہیں۔ تاہم شان اس موقع پر حکومت سے تھوڑے خفا بھی نظر آئے اور کہا ندیم سر! اگر حکومت آپ کی خدمات کو تسلیم نہیں کرتی تو کیا ہوا ہم تو کرتے ہیں، پاکستانی عوام نے آپ کو اس جگہ پر رکھا ہے جہاں ایک فاتح اپنے میڈل رکھتا ہے، آپ کو ہم نے اپنے دل میں بسایا ہے۔ آپ کا بے حد شکریہ کہ آپ نے فلم انڈسٹری کو اتنے بہترین کردار دئیے جنہیں ہم آج بھی بے حد پیار کرتے ہیں۔

[instagram-post url="https://www.instagram.com/p/BvfcQldjE6d/"]

واضح رہے کہ ندیم بیگ اپنے وقت کے نہ صرف بہترین اداکار تھے بلکہ انہوں نے گلوکاری اور پروڈکشن کے شعبے میں بھی قدم رکھا اورکامیاب رہے۔ انہوں نے اپنے کیریئر کا آغاز 1967 میں فلم''چکوری'' سے کیا بعد ازاں انہوں نے 200 سے زائد فلموں میں اداکاری کے جوہر دکھائے اور نگار سمیت کئی ایوارڈز اپنے نام کیے۔

90 کی دہائی میں لیجنڈ اداکار ندیم کو فنی شعبے میں گراں قدر خدمات انجام دینے کے لیے صدر پاکستان کی جانب سے صدارتی تمغہ برائے حسن کارکردگی سے بھی نوازا جاچکا ہے۔