دیا اور بتی ہم بولی ووڈ کے تینوں خان جلوہ گر

دیا اور بتی ہم شاشی سمیت متل پروڈکشن کا پانچ سو سے زائد اقساط مکمل کرنے والا بھارتی ٹیلی ویژن کا نمبر ون ڈرامہ ہے۔ فوٹو : فائل

---

اسٹار پلس سے نشر ہونے والا ڈرامہ''دیا اور بتی ہم'' جہاں ناظرین کے دلوں پر راج کر رہا ہے وہیں اب وہ چھوٹی اسکرین کا واحد شو بن گیا ہے۔ جس میں بولی وڈ پر راج کرنے والے تینوں خان ،شاہ رخ خان،عامر خان اور سلمان خان جلوہ گر ہو چکے ہیں۔

دیا اور بتی ہم شاشی سمیت متل پروڈکشن کا پانچ سو سے زائد اقساط مکمل کرنے والا بھارتی ٹیلی ویژن کا نمبر ون ڈرامہ ہے۔ اس ڈرامے کی مقبولیت کو چار چاند لگانے کے لیے اس میں بولی وڈ کے تینوں خان مختلف اقساط میں جلوہ گر ہوئے ہیں۔ عامر خان نے اس شو میں اپنے ٹی وی ڈیبیوٹ''ستیامیوجییت''جب کہ سلمان خان نے اپنی فلم ''دبنگ ٹو''کو پروموٹ کرنے کے لیے اس میں حصہ لیا تھا اور حال ہی میں شاہ رخ خان نے اپنی نئی آنے والی فلم ''چنائے ایکسپریس''کے لیے دیا اور بتی ہم کی ٹیم کے ساتھ شوٹ کیا ہے۔

شو کے پروڈیوسر سمیت نے شو میں شاہ رخ کی شرکت کی تصدیق کرتے ہوئے کہا ہے کہ ''یہ ہمارے لیے بہت اعزاز کی بات ہے کہ بھارتی فلمی صنعت کے تین بڑے اداکاروں نے ہمارے ڈرامے میں شرکت کی ہے۔''اور شاہ رخ کے ساتھ ہونے والے شوٹ کو ہم جلد ہی اپنیاسٹوری لائن سے منسلک کردیں گے۔ انہوں نے مزید کہا کہ عامر،سلمان اور اب شاہ رخکے ہمارے ڈرامے میں آنے سے ہمارا کونٹینٹ اور مظبوط ہوا ہے اور یقیناً ناظرین اسے پسند کریں گے۔