مہوش حیات کی حمایت میں علی ظفر اور شہزاد رائے میدان میں آگئے

گر کوئی خاتون فن میں کوئی ایوارڈ جیتتی ہیں تو سب اس پر آگ بگولا ہوجاتے ہیں، علی ظفر۔ فوٹو: فائل

---

مہوش حیات کی حمایت میں گلوکار علی ظفر اور شہزاد رائے بھی میدان میں آگئے ہیں۔

اداکارہ مہوش حیات کو تمغہ امتیاز سے نوازنے کے اعلان کے بعد سے ہی سوشل میڈیا پر اُن کے خلاف ایک محاذ کھل گیا تھا۔ شوبز انڈسٹری سے تعلق رکھنے والے افراد ڈھکے چھپے جب کہ سوشل میڈیا صارفین کھلے لفظوں میں تنقید کررہے تھے، اسی تنقید کے دوران اداکارہ پر اوچھے الزامات بھی لگائے گئے لیکن اس کے باوجود مہوش حیات کو یہ اعزاز مل کر ہی رہا۔

اعزاز سے نوازے جانے کے بعد مہوش حیات بھی خاموش نہ رہیں اور اپنا بھرپور دفاع کرتے ہوئے ناقدین کو کرارا جواب دیا اور یہی وجہ ہے کہ اب مہوش حیات کی حمایت میں انڈسٹری کے دو معروف گلوکار بھی میدان میں آگئے ہیں۔

People waste no opportunity to tear down the Arts & women in PK. So ofcourse if a woman wins an award in Arts,all hell wud break lose.U @MehwishHayat won the debate tht followed & created an enabling enviroment for women from arts to come fwd.& when they do,trolls wil think twice

— Shehzad Roy (@ShehzadRoy) March 26, 2019

شہزاد رائے نے سماجی رابطے کی ویب سائٹ ٹوئٹر پر اداکارہ کی حمایت میں ٹوئٹ کرتے ہوئے کہا کہ 'لوگ پاکستان میں خواتین یا فن سے متعلق معاملات کو نیچا دکھانے کا کوئی موقع نہیں جانے دیتے۔ اگر کوئی خاتون فن میں کوئی ایوارڈ جیتتی ہے تو سب اس پر آگ بگولا ہوجاتے ہیں۔ مہوش حیات نے یہ بحث بھی جیتی ہے کہ خواتین کے لیے فن اور اداکاری میں آگے آنے کا مناسب ماحول اور مواقع موجود ہیں۔ جب جب وہ آگے آتی ہیں مضحکہ اڑانے والوں کو دو مرتبہ سوچنا چاہیے۔

Agreed. This reprehensible culture of name calling on twitter has got to stop. A platform created to give a voice to the voiceless and disseminate useful information is now also flourishing as a source of unchecked abuse. @jack @Twitter https://t.co/nOj0abkbiQ

— Ali Zafar (@AliZafarsays) March 26, 2019

دوسری جانب علی ظفر بھی خاموش نہ رہے۔انہوں نے بھی مہوش حیات کا بھرپور دفاع کرتے ہوئے تنقید کرنے والوں کو جواب دیتے ہوئے کہا کہ 'پاکستان میں ٹویٹر پر برائیاں بیان کرنے کی فضا ختم ہونی چاہیئے۔ یہ بے آوازوں کو آواز دینے اور مفید معلومات پھیلانے کا ایک ذریعہ ہے۔ لیکن اب یہ اسے لفظی زیادتی کے لیے پروان چڑھایا جارہا ہے۔