دبئی میں قرآن پارک کا افتتاح کردیا گیا

پارک میں قرآن پاک میں ذکر کردہ تمام پودے اور درخت لگائے گئے ہیں

---

دبئی میں دنیا کے پہلے قرآن پارک کا افتتاح کر دیا گیا ہے جب کہ پارک میں عوام کے لیے داخلہ مفت ہوگا۔

پارک ساٹھ ایکڑ رقبے پر قائم کیا گیا ہے جس میں قرآن پاک میں ذکر کردہ تمام پودے اور درخت لگائے گئے ہیں، پارک میں فوارے،جھیلیں، سائیکلنگ اور رننگ ٹریک جبکہ بچوں کیلئے کھیلوں کی جگہ بھی بنائی گئی ہے۔

انتظامیہ کے مطابق پارک بنانے کا مقصد عوام کو قرآن پاک کی تعلیمات سے روشناس کرانے کے ساتھ مختلف مذاہب اور ثقافتوں کے مابین ہم آہنگی پیدا کرنا ہے۔