کراچی میں ماڈل گرل کی ہلاکت مقتولہ کی قبر کشائی کا حکم

ماڈل گرل رباب عرف ہانی زیدی عائشہ منزل کی رہائشی تھی جسے ابارشن کے لیے فیملی کئیر اسپتال لایا گیا تھا جہاں اس کی موت واقع ہو گئی تھی۔ ہلاکت کے بعد عملے نے اپنا جرم چھپانے کے لیے 22 فروری کو ماڈل کی لاش سپارکو روڈ ایدھی قبرستان گیٹ نمبر چھ کے پاس پھینک دی تھی۔

مقتولہ کے موبائل فون کی آخری لوکیشن اسی میٹرنٹی ہوم کی آئی تھی جہاں وہ دوران آپریشن غلط انجکشن لگنے کے باعث ہلاک ہوگئی تھی۔ پولیس نے اس مقدمے میں نرس کو ساتھی سمیت گرفتار کرلیا تھا۔ نرس کا کہنا تھا کہ انھوں نے رباب کا آپریشن اس کے دوست عمر کے کہنے پر کیا تھا۔