صنم سعید شوہر کے تشدد کا نشانہ بننے والی اسماء عزیز کی حمایت میں سامنے آگئیں

پرانی ویڈیو کا یہ مطلب نہیں کہ اس کی خواہش کے برخلاف رقص سے انکار پر تشدد کا نشانہ بنایا جائے، صنم سعید (فوٹو: فائل)

---

معروف پاکستانی اداکارہ صنم سعید شوہر کے ہاتھوں تشدد کا نشانہ بننے والی اسماء عزیز کی حمایت میں میدان میں آگئیں۔

شوہر کی جانب سے اسماء پر کیے جانے والے بہیمانہ تشدد کے بعد سے سوشل میڈیا پر ایک ویڈیو وائرل ہو رہی ہے جس میں اسماء گاڑی میں حواس باختہ انداز میں رقص کرتی نظر آرہی ہے جس کے بعد سے اسماء کو ہی تنقید کا نشانہ بنایا جارہا ہے تاہم اس وائرل ویڈیو کے حوالے سے صنم سعید خاموش نہ رہیں اور اسماء کی حمایت میں میدان میں آگئیں۔

صنم سعید نے سماجی رابطے کی ویب سائٹ ٹوئٹر پر اپنی ایک ٹوئٹ میں ویڈیو میں رقص کی وجہ سے اسماء پر تنقید کرنے والوں کو جواب دیتے ہوئے کہا کہ 'اسماء کے حوالے سے سب کا موقف ایسا ہے اگر کسی طوائف کے ساتھ زیادتی ہوئی ہو تو یہ اسی کا قصور سمجھا جائے، آپ لوگوں میں سے کچھ لوگ رضامندی کا مطلب کب سمجھیں گے۔

It's like saying if a prostitute was raped its her fault anyway. When will some of you really understand the meaning of #consent??? An old leaked video of #asmaaziz dancing, does not justify her being tortured for refusing to dance when she doesn't feel like it. Have mercy!

— Sanam Saeed (@sanammodysaeed) April 2, 2019

اسماء کی رقص کی پرانی ویڈیو کا یہ مطلب نہیں کہ اس کی خواہش کے برخلاف رقص سے انکار پر تشدد کا نشانہ بنایا جائے۔ کچھ رحم کریں۔

یہ پڑھیں: ہم دونوں میاں بیوی نشے کے عادی تھے، بیوی پر تشدد کرنیوالے شوہر کا بیان

واضح رہے کہ گزشتہ ماہ لاہور کے علاقے ڈیفنس میں فیصل میاں نامی شخص نے رقص سے انکار پر دوستوں کی مدد سے اہلیہ اسماء عزیز کو بری طرح پائپ سے تشدد کا نشانہ بنایا تھا اور سر کے بال بھی کاٹ دیئے تھے۔ جس کے بعد پولیس نے فیصل اور اس کے دوست کو گرفتار کر لیا تھا۔